Tal e como estaba previsto, hoxe tivo lugar o sorteo para a asignación de libros para os cursos de 1º GE, 3º GP e 2º GP.
Neste enlace tedes a lista de persoas adxudicatarias deses cursos
No resto dos cursos, como xa se anunciara, non foi necesario facer sorteo, ao haber máis libros ca solicitudes.
Pódese desde xa mesmo pasar a recoller o libro na Conserxería do Conservatorio, e asinar un xustificante da entrega. É moi importante pasar a recollelo canto antes (para evitar que queden sen uso neste curso 2018-2019, habendo persoas que non tiveron sorte no sorteo).
É importante tamén lembrarse de devolvelo unha vez rematado o curso, e ao longo del, facer un bo uso e coidado do libro.
Queremos agradecervos a todos e todas a vosa colaboración co Banco de Libros (doando e solicitando).
E para que este mecanismo de colaboración e cooperación sexa posible, queremos agradecer tamén a colaboración ao profesorado do departamento de Linguaxe Musical (noemadamente á súa Xefa de Departamento, María Dios), á Dirección do Centro, e ao persoal de Conserxería.
Grazas a todos e todas
Anpa Via Stellae 