Tal e como se comentara na anterior Asemblea de Pais e Nais, iniciamos un proceso de diálogo con grupos municipais con representación no Concello, a fin de trasladarlle a necesidade de abordar canto antes a ampliación física do Conservatorio.
Nesta semana tivemos xuntanza con representantes dos catro grupos municipais, cun tono moi cordial e receptivo a establecer un consenso sobre esta nosa petición.
Alén de formularlles a necesidade mesma da ampliación, trasladamos que compría tamén pensar na reordenación de todo o espazo da parcela colindante ao Sur do actual edificio, dotándoa ademais de espazos de aparcamento, e aproveitar así para unha mellor regulación do tráfico na zona.
Suxerimos tamén a posibilidade do uso gratuíto temporal ou permanete por parte das persoas usuarias do Conservatorio, do aparcamento que a Xunta de Galicia ten a carón da Estación de Autobuses e San Caetano.
Agora queda da man dos catro grupos consensuar unha postura única, conducente á aprobación dunha Declaración Institucional do Pleno do Concello de Santiago, dándolle traslado da mesma á Xunta de Galicia (a quen compete facer esa ampliación) e co compromiso por parte do Concello de ceder sen custos o espazo necesario da parcela propiedade municipal.
Seguimos….
Recollemos a continuación as novas de prensa sobre o particular, incluída entrevista en Radio Obradoiro do 25/04/2016:
Anpa Via Stellae 